Памёр двухразовы лаўрэат "Оскара" актор Джын Хэкмэн
Джын Хэкмэн у фільме "Прыцемкі" (1998) / Paramount Pictures
Ва ўзросце 95 гадоў памёр кінаактор Джын Хэкмэн — зорка Галівуда і двухразовы лаўрэат "Оскара".
Актора знайшлі мёртвым у яго доме ў санта-Фе, штат Нью-Мексіка. Разам з Хэкмэнам мёртвымі выяўленыя яго жонка Бэтсі Аракава ды іх сабака.
Паліцыя ЗША паведаміла, што знайшлі іх у сераду.
За сваю паўвекавую кар'еру Хэкмэн сыграў больш за 90 роляў — пераважна вайсмкоўцаў і прадстаўнікоў закона. Найбольш ён вядомы па ролях у фільмах "Французскі сувязны", "Мост занадта далёка", "Місісіпі ў агні", "Барвовы прыліў", "Сэрцаедкі", "Сямейка Тэненбаўм".
