Паліцыя лічыць абставіны смерці акцёра Джына Хэкмэна і яго жонкі падазронымі

Паліцыя лічыць абставіны смерці галівудскага акцёра Джына Хэкмэна і яго жонкі Бэтсі Аракава падазронымі і патрабуючымі расследавання, паведамляе "Бі-Бі-Сі". Нядаўна целы знайшлі ў іх доме (мёртвым быў і адзін з сабак, яшчэ два — жывыя). Мяркуецца, што яны праляжалі там працяглы час.

Хэкмэну было 95 гадоў, яго жонцы — 63 гады. Паліцыя прызнае, што пакуль не знайшла відавочных прыкмет злачынства. Аднак расследаванне працягваецца.

Цела Джына Хэкмэна было знойдзена ў падсобным памяшканні побач з кухняй, цела яго жонкі — у ваннай. Дзверы ў дом былі адчыненыя. Слядоў узлому і рабавання паліцыя не знайшла. Прыкмет уцечкі газу або наяўнасці ў доме чаднага газу спецыялісты таксама не выявілі. Інфармацыі аб выніках ускрыцця і аналізу пакуль няма.

За сваю паўвекавую кар'еру Хэкмэн сыграў больш за 90 роляў. Найбольш ён вядомы па ролях у фільмах "Французскі сувязны", "Мост занадта далёка", "Місісіпі ў агні", "Барвовы прыліў", "Сэрцаедкі", "Сямейка Тэненбаўм".