"Пагроза абвальвання адсутнічае": чыноўнікі — пра басейн у мінскай Малінаўцы

Басейн "Дружба" ў мінскім мікрараёне Малінаўка працягвае працаваць у поўным аб'ёме, паведамляюць "Мінск-Навіны".

У будынку цяпер абследуюць тэхнічны стан канструкцый, высвятляюць прычыны ўтварэння расколін на сценах і прасадкі асновы пад падлогай. Пра гэта журналістам заявілі ў Мінгарвыканкаме.

Фатаздымкі з басейна днямі з'явіліся ў інтэрнэт-СМІ. На іх бачныя вялікія расколіны на сценах. Паведамляецца, што гэтыя расколіны з'явіліся ў мужчынскай і жаночай распранальнях.

Аднак у Мінгарвыканкаме заяўляюць, што паводле інфармацыі экспертаў пагрозы абвальвання будаўнічых канструкцый няма.