Новы Telegram-канал дададзены ў спіс экстрэмісцкіх матэрыялаў
У Беларусі прызнаныя "экстрэмісцкімі" больш чым дзве сотні Telegram-каналаў і чатаў
Інфармацыйная прадукцыя Telegram-канала "Белорусский Гвоздодер!" прызнаная экстрэмісцкімі матэрыяламі, паведамляе Генеральная пракуратура ў пятніцу.
Падставай для таго, каб інфармацыйная прадукцыя гэтага канала была прызнаная экстрэмісцкай, паслужыла заява пракуратуры Маскоўскага раёна Менска. Суд цалкам яе задаволіў.
У Беларусі прызнаныя "экстрэмісцкімі" больш чым дзве сотні Telegram-каналаў і чатаў. Беларускае заканадаўства не забараняе іх чытаць, але МУС папярэджвае аб адказнасці за распаўсюд інфармацыі, якую яны ўтрымліваюць.
Поўны спіс экстрэмісцкіх матэрыялаў прыведзены на сайце Мінінфарма.
