"Ніякай істотнай карэкціроўкі эканамічнага курсу" — прэм'ер Турчын
Аляксандр Турчын / sb.by
Новапрызначаны прэм'ер-міністр Беларусі Аляксандр Турчын (ужо былы кіраўнік Мінскай вобласці) выказаўся пра тое, ці варта чакаць зменаў у падыходах да развіцця эканомікі.
"Ніякай істотнай карэкціроўкі эканамічнага курсу, вядома, не будзе, — цытуе словы Турчына БЕЛТА. — Самае галоўнае — забяспечыць устойлівае і збалансаванае развіццё нашай краіны".
Прэм'ер прызнае, што на любой пасадзе "неабходна эвалюцыянаваць". "Маё самае любімае выказванне — "эвалюцыя без рэвалюцый", — кажа ён.
Аляксандр Турчын прызнае праблемы ў беларускай эканоміцы і збіраецца іх вырашаць.
"Я хачу, каб у нас у гэтай пяцігодцы як мінімум эканомікай займаліся вельмі вопытныя, моцныя людзі. Арганізатары і эканамісты", — гаварыў у панядзелак Лукашэнка. "У вас ёсць такія прэзідэнцкія схільнасці, як у мяне", — сказаў ён Турчыну.
