Лукашэнка прызначыў новага прэм'ер-міністра, а старога адправіў у Нацбанк
Аляксандр Турчын / shahter.by
Аляксандр Лукашэнка прызначыў новага прэм'ер-міністра. Ім стаў Аляксандр Турчын, старшыня Мінаблвыканкама. Раман Галоўчанка, які займаў гэтую пасаду з чэрвеня 2020 года, атрымаў іншую працу.
Аляксандру Турчыну 49 гадоў. Ён — ураджэнец Навагрудка. Скончыў Беларускі дзяржаўны эканамічны ўніверсітэт і Акадэмію кіравання пры прэзідэнце РБ. З 2010-га працаваў у Мінаблвыканкаме. Пасля быў памочнікам Лукашэнкі, яго прадстаўніком па Гомельшчыне. У жніўні 2018-га быў прызначаны першым намеснікам прэм'ер-міністра. Аднак ужо ў лістападзе 2019 года стаў кіраўніком Мінскай вобласці. Турчын — фігурант заходніх санкцыйных спісаў.
Новы кіраўнік з'явіўся і ў Нацбанка. Папярэдні кіраўнік Павел Калаўр быў адпраўлены ў адстаўку пасля дзесяці гадоў працы. Новым кіраўніком Нацбанка стаў ужо былы прэм'ер Раман Галоўчанка.
