Насту Дашкевіч затрымліваюць пры спробе высветліць лёс мужа
У Ленінскім РУУС затрымліваюць Насту Дашкевіч, якая спрабуе высветліць лёс затрыманага мужа. Яна адправілася ў пастарунак у суправаджэнні журналістак Любові Лунёвай і Вольгі Давыдавай.
Наста паспела напісаць у Фэйсбук, што ім не даюць выйсці. У яе двое малых дзяцей.
Змітра Дашкевіча, Арцёма Леўчанку і Сяргея Пальчэўскага брутальна затрымалі некалькімі гадзінамі раней, калі яны рабілі цяслярскія работы на кухні ў вядомага пісьменніка Уладзіміра Арлова.
