На станцыі метро "Магілёўская" адбыўся інцыдэнт з пасажырам
Метро, ілюстрацыйнае фота / tvr.by
У Мінску на станцыі метро "Магілёўская" ў аўторак адбыўся інцыдэнт з пасажырам, паведамляе прэс-служба метрапалітэна.
Здарэнне, дэталі якога не ўдакладняюцца, адбылося ў 8:35. А ў 8:36 была адключаная кантактная рэйка і часова прыпынены рух цягнікоў па Аўтазаводскай лініі.
Пазней у інтэрнэце з'явіліся здымкі немаладога мужчыны, які зваліўся на рэйкі. Выбрацца яму дапамаглі супрацоўнікі метро.
Шмат часу на дапамогу пасажыру не спатрэбілася. "У 8:42 было пададзена напружанне на кантактную рэйку і адноўлены рух", — заяўляюць у прэс-службе.
Цяпер лінія працуе ў штатным рэжыме.
