Раніцай на трэцяй лініі Мінскага метро адбыўся кароткі збой
Станцыя "Аэрадромная" / wikipedia.org
Раніцай на трэцяй лініі Мінскага метро адбыўся кароткі збой. Адзін з цягнікоў быў зняты для "тэхнічнага абслугоўвання". Гэтую лінію абслугоўваюць "Штадлеры" і два новыя саставы з падмаскоўнага "Метравагонмаша".
Як паведамляе Мінскі метрапалітэн, у 08:28 згаданы цягнік спыніўся на станцыі "Аэрадромная" і высадзіў пасажыраў. Сцвярджаецца, што іншы цягнік прыбыў на станцыю ўжо праз хвіліну і "забраў усіх пасажыраў, якія знаходзіліся на платформе".
Аператыўна было праведзена "дыспетчарскае рэгуляванне руху цягнікоў" і цяпер трэцяя лінія працуе ў "штатным рэжыме".
Па тэме:
![]()
