У Магілёве аўтобус з пасажырамі ўрэзаўся ў дрэва
Аўтааварыя ў Магілёве / УУС Магілёўскага аблвыканкама
У Магілёве 20 лютага ў аварыю трапіў аўтобус з пасажырамі, паведамляе мясцовая міліцыя.
Здарэнне адбылося на Пушкінскім праспекце. Паводле папярэдняй інфармацыі, 28-гадоваму кіроўцу аўтобуса "МАЗ" падчас руху стала кепска. Аўтобус выехаў з праезнай часткі і ўрэзаўся спярша ў металічную агароджу, а потым — у дрэва.
У салоне было 28 чалавек, ніхто з іх не пацярпеў.
Кіроўцу аказалі медыцынскую дапамогу. На месцы здарэння працуюць супрацоўнікі ДАІ, усе абставіны высвятляюцца.
