Блок Пракоп'ева-Ягорава пакідае Каардынацыйную Раду
Вадзім Пракоп'еў
Блок Пракоп'ева-Ягорава пакідае Каардынацыйную Раду.
"Мы вымушаныя канстатаваць, што Каардынацыйная Рада трэцяга склікання цалкам вычарпала свае магчымасці як інструмент", — гаворыцца ў заяве фракцыі.
Удзельнікі блоку крытыкуюць арганізацыю дэмсілаў: "Цяперашняя арганізацыя дэмсіл не набліжае змену рэжыму і дэмакратызацыю Беларусі. Значная частка актараў арыентаваная на захаванне статусу-кво і імітацыю працэсу. Нашы прынцыпы стратэгічнага планавання, празрыстасці, самафінансавання і інстытута рэпутацыі не падзяляюцца тымі, хто прымае рашэнні".
Пасля слуханняў Святланы Ціханоўскай у КР на пачатку лютага прадстаўнікі "Блоку" неаднаразова негатыўна выказваліся пра іх фармат. Першае пытанне, якое Вадзім Пракоп'еў задаваў Ціханоўскай, было пра тое, чаму яна села не за асобны стол насупраць прэзідыуму, а ў прэзідыум. Потым быў скандал наконт таго, чаму "Блок" не змог задаць усе свае 30 пытанняў.
