У відэазвароце, апублікаваным пасля затрымання, Ёль заявіў, што лічыць расследаванне супраць сябе незаконным, але пагадзіўся супрацоўнічаць са следствам, каб пазбегнуць "кровапраліцця".
Чакаецца, што яго будуць утрымліваць у Сеульскім следчым ізалятары ва Уівангу і на працягу 48 гадзін дапытаюць па справе аб мецяжы. Пасля гэтага следчыя мусяць звярнуцца па яшчэ адзін ордар.
Французы сталі менш любіць немцаў
Упершыню з 2017 года доля рэспандэнтаў, якім падабаецца Германія, у Францыі апусцілася ніжэй за адзнаку ў 50%. Пры гэтым дзве траціны рэспандэнтаў заявілі, што дрэнна ведаюць Германію, піша BILD.
З моманту ўступлення на пасаду прэзідэнта Эмануэля Макрона доля французаў, добразычліва настроеных да суседняй краіны, знізілася з 53 да 49 працэнтаў.
Паводле апытання, нацыянальныя стэрэатыпы захоўваюць свой уплыў. У французаў Германія асацыюецца словамі "праца", "эканамічная моц" і "эканомнасць". Галоўнымі перавагамі Германіі французы лічаць сістэму адукацыі і эканоміку.
Франка-германскія адносіны ацэньваюць як добрыя 74% рэспандэнтаў і 88% маладых людзей. Аднак каля паловы апытаных перакананыя, што за апошнія гады адносіны крыху папсаваліся.
Мішэль Абама не прыйдзе на інаўгурацыю Дональда Трампа
Пра тое, што былая першая лэдзі ЗША не прыйдзе на інаўгурацыю, паведамляюць амерыканскія СМІ са спасылкай на заяву яе офіса. Прычыны рашэння не называюцца.
Раней Мішэль Абама крытыкавала Трампа і абвінавачвала яго ў тым, што сваёй рыторыкай ён ставіць пад пагрозу бяспеку яе сям'і.
На мінулым тыдні яна таксама адмовілася наведаць дзяржаўную паніхіду па былым прэзідэнце Джымі Картэры, але яе муж, Барак Абама, прысутнічаў на цырымоніі, сядзеў побач з Трампам і размаўляў з ім.
Рашэнне Мішэль Абамы не прысутнічаць на інаўгурацыі парушае традыцыю, згодна з якой на цырымонію звычайна прыходзяць былыя прэзідэнты і іх жонкі, незалежна ад іх партыйнай прыналежнасці. Паводле паведамленняў СМІ, інаўгурацыю наведаюць прэзідэнт Джордж Буш-малодшы і яго жонка Лора, а таксама Біл і Хілары Клінтаны.
Гэта не першае парушэнне традыцыі ў гісторыі. Сам Трамп у 2021 годзе не з'явіўся на інаўгурацыю Джо Байдэна.
MrBeast вырашыў купіць TikTok, каб яго не закрылі ў ЗША
Адзін з самых папулярных блогераў свету Містэр Біст можа купіць TikTok, каб уратаваць сацсетку ад сыходу з ЗША. Пра гэта ён напісаў у асабістым блогу.
