“МЛ Віцебск” усё бліжэй да чэмпіёнства — “букмекеры” перамаглі “Іслач”
1 лістапада адбыліся матчы 27-га тура Вышэйшай лігі / "МЛ Витебск"
Матчам у Смаргоні распачалася праграма другога дня 27-га тура чэмпіянату Беларусі па футболе. Мясцовы клуб з лікам 0:2 саступіў “Віцебску”. Суддзя паказаў дзве чырвоныя карткі гульцам.
У Мазыры “Славія” прымала “Нафтан” і ўпэўнена перамагла — 2:0.
У Віцебску лідар чэмпіянату ўпэўнена абыграў “Іслач” з лікам 3:1. “Букмекеры” усё бліжэй да чэмпіёнства ў свой першы год выступлення ў Вышэйшай лізе.
У наступным туры “МЛ Віцебск” згуляе супраць аўтсайдара — “Маладзечна”, якое ўжо вылецела з Вышэйшай лігі, але з якім “букмекеры” у першым крузе страцілі ачкі. А ў 29-м туры “МЛ Віцебск” можа аформіць датэрміновае чэмпіёнства, перамогшы “Гомель”.
Аднак не выключаны і “залаты” матч у 30-м туры супраць мінскага “Дынама”.
2 лістапада 27-ы тур завершыцца чатырма гульнямі:
“Арсенал” — “Гомель”
“Дынама-Мінск” — “Слуцк”
“Нёман” — БАТЭ
“Тарпеда-БелАЗ” — “Мінск”
