Мінскія пракуроры заняліся ледзяшамі на дахах
Ледзяшы, ілюстрацыйнае фота / pexels.com
Пракуратура Цэнтральнага раёна Мінска выявіла, што камунальнікі кепска чысцяць дахі дамоў ад наледзі і ледзяшоў.
У прыватнасці, гаворка ідзе пра будынкі па вуліцах Багдановіча, Інтэрнацыянальнай, камсамольскай, Рэвалюцыйнай і Зыбіцкай у Мінску.
Па выніках праверкі пракуратура ўнесла прадпісанні на адрас дырэктараў абслуговых арганізацый, у тым ліку камунальных службаў, у якіх запатрабавала неадкладна прыняць меры па ачыстцы дахаў і фасадаў будынкаў ад снегу, наледзі і ледзяшоў.
Паведамляецца, што выяўленыя парушэнні пасля пракурорскага папярэджання былі выпраўленыя.
