Магілёвец абакраў сваю 14-гадовую дачку
Цяпер яму пагражае да шасці гадоў пазбаўлення волі.
42-гадовы жыхар Магілёва з прымяненнем гвалту скраў залаты пярсцёнак у сваёй непаўнагадовай дачкі. Упрыгожванне ён здаў у ламбард, а атрыманыя грошы прапіў, пішуць “Магілёўскія ведамасці”.
Дзяўчына звярнулася ў міліцыю. Яе бацьку затрымалі і 2 чэрвеня на яго распачалі крымінальную справу. За крадзеж мужчына можа быць пакараны пазбаўленнем волі тэрмінам да шасці гадоў.
Здымак з архіву.
