Лукашэнка прызначыў двух новых міністраў
Нарада ў Лукашэнкі, ілюстрацыйнае фота / БЕЛТА
4 сакавіка Аляксандр Лукашэнка прызначыў двух новых міністраў.
Новым міністрам сельскай гаспадаркі і харчавання стаў Юрый Горлаў. Раней ён працаваў памочнікам Лукашэнкі па Гомельскай вобласці.
Пасаду міністра архітэктуры і будаўніцтва атрымаў Аляксандр Студнеў. Дагэтуль ён быў старшынёй Магілёўскага гарвыканкама.
Змены ва ўрадзе Лукашэнка праводзіць другі дзень запар. У панядзелак, 3 сакавіка, ён прызначыў новага міністра сувязі, а таксама прызначыў кіраўніка Гродзенскай вобласці Уладзіміра Караніка віцэ-прэм'ерам, адказным за сацыяльны блок.
Замест Караніка кіраваць Гродзенскай вобласцю будзе генерал-лейтэнант міліцыі Юрый Караеў. Ён экс-міністр унутраных спраў, які кіраваў разгонам масавых акцый пратэсту ўлетку і ўвосень 2020 года. Потым быў прызначаны памочнікам Лукашэнкі па Гродзенскай вобласці.
