Лаўрэатам літаратурнай прэміі Гедройця стаў Валянцін Акудовіч

Лаўрэатам літаратурнай прэміі імя Ежы Гедройця стаў Валянцін Акудовіч. Аўтар кнігі "Трэба ўявіць Сізіфа шчаслівым" (выдавецтва "Логвінаў") адзначаны "за змястоўную і шырокую панараму беларускага інтэлектуальнага жыцця".

Другое месца ў Ганны Янкута з кнігай "Час пустазелля" (выдавецтва "Янушкевіч") "за шчыры аповед залучанай назіральніцы і ўдзельніцы сучаснай гісторыі". Трэцяе месца атрымала кніга "Забіць упалмінзага" Змітра Бартосіка (Радыё Свабодная Еўропа / Радыё Свабода) — "за дакументальна-мастацкае сведчанне пра трагічную старонку беларускай гісторыі, важнае ў цяперашні час".

Спецыяльную ўзнагароду ад партнёра прэміі — Еўрарадыё — прысудзілі Еве Вайтоўскай. Яе кніга “Гарэзлівы пацалунак. Кніга другая” (выдавецтва "Янушкевіч") з‘явіцца ў эксклюзіўнай аўдыяверсіі.

Вынікі конкурсу і цырымонія ўзнагароджання лаўрэатаў адбылася 26 лістапада ў Гданьску ў Еўрапейскім цэнтры салідарнасці. Прэмія прысуджаецца за найлепшую кнігу прозы, выдадзеную ў папярэднім годзе.