Караніка — у Акадэмію навук, Пяткевіч — ва ўрад
Наталля Пяткевіч / sb.by
22 траўня Аляксандр Лукашэнка правёў кадравыя перастаноўкі ў кіраўнічых органах.
Наталля Пяткевіч прызначаная намесніцай прэм'ер-міністра. Дагэтуль яна займала пасаду намесніцы старшыні Адміністрацыі Лукашэнкі. На новай пасадзе яна заменіць Уладзіміра Караніка.
Бо Караніка прызначылі кіраваць Акадэміяй навук. Перад гэтым ён два месяцы займаў пасаду віцэ-прэм'ера, а яшчэ раней узначальваў Гродзенскую вобласць. Каранік заменіць у НАН яе цяперашняга кіраўніка Уладзіміра Гусакова.
Кіраўніком апарата Саўміна прызначаны Валерый Вакульчык. Ён з 2012-га па 3 верасня 2020 года кіраваў Камітэтам дзяржбяспекі, а потым быў памочнікам Лукашэнкі — інспектарам па Брэсцкай вобласці.
