Каля памежнага пераходу Тэрэспаль разбіўся дрон
Дрон, ілюстрацыйнае фота / Shutterstock
У Польшчы каля памежнага пераходу Тэрэспаль упаў невядомы аб'ект, паведамляе камендатура паліцыі ў Бялай Падляскай.
Дзяжурны афіцэр паліцыі атрымаў паведамленне пра гэта ад памежнікаў каля 22-й гадзіны 7 верасня. Яны выявілі "фрагменты неапазнанага лятаючага аб'екта". Знайшлі іх памежнікі каля населенага пункта Палятычэ.
"Месца знаходкі знаходзіцца пад аховай. У выніку інцыдэнту ніхто не пацярпеў", — адзначаюць у паліцыі. Палятычэ размяшчаецца за 2-3 км ад мяжы з Беларуссю.
Паводле звестак СМІ, гаворка ідзе пра дрон.
