Інфляцыя можа паскорыцца, рабочых мала — сітуацыя ў эканоміцы Беларусі

У снежні 2024 года ВУП у Беларусі вырас прыблізна на 4,7% адносна снежня 2023-га. Пра гэта на брыфінгу па асноўных тэндэнцыях у эканоміцы Беларусі расказаў эксперт BEROC Анатоль Харытончык.

Інфляцыя можа паскорыцца

Інфляцыя ў снежні 2024-га склала 4,5-5% у дачыненні да лістапада. Прычына — дэфіцыт работнікаў і вытворчасцяў.

Рэгуляваныя цэны на тавары за гады выраслі на 4,4% — і гэта мінімальнае значэнне для Беларусі ў ХХІ стагоддзі. Але рост цэн на нерэгуляваныя тавары складае каля 10%.

Анатоль Харытончык адзначае, што ў пачатку 2025-га інфляцыя застанецца на ўзроўні 5,5%, аднак можа паскорыцца да 6-8%, калі ўлады наважацца на паступовае паслабленне рэгулявання цэн.

ВУП вырас, але радавацца не варта

Асноўнымі фактарамі паскарэння росту ВУП эксперт называе павелічэнне выпуску прамысловасці ў Беларусі і ўзмацненне спажывецкага попыту.