Хакеісты мінскага "Дынама" сёння прымаюць СКА
У аўторак, 3 студзеня, мінскае "Дынама" сустрэнецца ў чэмпіянаце Кантынентальнай хакейнай лігі з СКА з Санкт-Пецярбурга. Матч пройдзе на "Мінск-Арэне", пачатак у 19.30. Жывая трансляцыя запланаваная на тэлеканале "Беларусь 5".
10 кастрычніка 2016-га ў гасцявым паядынку "Дынама" было разгромлена СКА з лікам 6:2. Каманда з Санкт-Пецярбурга — лідар Заходняй канферэнцыі, у яе 104 ачкі пасля 43 гульняў. Мінскае "Дынама" мае 73 ачкі пасля 42 матчаў і займае 5-е месца.
