Грыбнікі знайшлі труп мужчыны

Цела 68-гадовага пенсіянера з прыкметамі гвалтоўнай смерці знайшлі грыбнікі і паведамілі пра гэта ў Гомельскі РАУС.

Міліцыянеры разам з супрацоўнікамі 8-га ўпраўлення (па Гомельскай вобласці) ГУБАЗіК затрымалі падазраванага. Ім аказаўся 61-гадовы мясцовы жыхар, які раней ужо прыцягваўся да крымінальнай адказнасці.

Высветлілася, што абодва — і ахвяра, і нападнік — працавалі ў індывідуальнага прадпрымальніка, займаючыся зборам гародніны.

"Напярэдадні, пасля сумеснага застолля, мужчыны накіраваліся ў суседні населены пункт. Па дарозе паміж сабутэльнікамі ўзнік канфлікт: малодшы нанёс старэйшаму нажавыя раненні ў вобласць шыі і твару. Калі пацярпелы ўпаў на зямлю, ён працягваў яго збіваць, а затым уцёк", — паведамляе прэс-служба МУС.

Мужчына арыштаваны. Узбуджаная крымінальная справа за забойства.