Мінскае “Дынама” страціла ачкі ў Гродне ў “залатой” гонцы з “МЛ Віцебск”
29 кастрычніка адбыліся два перанесеныя матчы 16-га і 18-га тураў Вышэйшай лігі / "Динамо-Минск"
У Жодзіне “Тарпеда-БелАЗ” саступіла “Гомелю” з лікам 0:1 у перанесеным матчы 16-га тура чэмпіянату Беларусі па футболе.
У Гродне “Нёман” прымаў мінскае “Дынама” ў межах перанесенага матчу 18-га тура чэмпіянату. Сустрэча завяршылася безгалявой нічыёй — 0:0.
Матч запомніўся выдаленнем легіянера дынамаўцаў Фаваза Абдуллахі за ўдар балбоя.
Паўабаронца выбачыўся перад хлопчыкам, а пасля гульні падышоў да яго яшчэ раз, каб папрасіць прабачэння і падараваў сваю футболку.
Дзейны чэмпіён страчвае неацэнныя два ачкі ў “залатой” гонцы з “МЛ Віцебск”.
Тым часам “букмекеры” гарантавалі сабе месца на п’едэстале ў сваім дэбютным сезоне ў Вышэйшай лізе.
За чатыры туры да фінішу чэмпіянату “МЛ Віцебск” апярэджвае “Дынама-Брэст”, якое ідзе на чацвёртым месцы, на 13 балаў.
Такім чынам, “букмекеры” у наступным сезоне выступяць у еўракубках.
Становішча ў турнірнай табліцы пасля ўсіх сыграных перанесеных матчаў:
