Германія пачала разгортванне брыгады бундэсвера ў Літве
Нямецкія вайскоўцы / Getty Images
Германія афіцыйна пачала разгортванне бранятанкавай брыгады бундэсвера ў Літве. 1 красавіка ўрачыстая цырымонія прайшла пад Вільняй. Вайскоўцы будуць мець сваю базу ў новым вайсковым комплексе ў 30 кіламетрах на поўдзень ад сталіцы Літвы. Брыгада будзе цалкам разгорнута толькі да 2027 года. Яна ўмацуе ўсходні фланг абароны NATO, піша politico.eu.
На сённяшні дзень у Літве знаходзіцца 150 нямецкіх вайскоўцаў. Да канца года іх будзе ўжо каля 500. Пасля завяршэння разгортвання брыгады яна будзе налічваць 5 тысяч чалавек.
Адзначаецца, што дагэтуль з часоў Другой сусветнай вайны нямецкія вайскоўцы знаходзіліся за межамі Германіі толькі ў рамках часовых місій.
