Генсек NATO упэўнены ў перамозе Украіны
Генсек NATO Енс Столтэнберг упэўнены, што Расія не зможа выйграць вайну супраць Украіны. "Украіна павінна атрымаць перамогу, і Украіна яе атрымае", — заявіў ён у віншаванні, прысвечаным Дню незалежнасці Украіны. Паводле слоў Столтэнберга, "моцная і незалежная Украіна мае вырашальнае значэнне для стабільнасці еўраатлантычнага рэгіёну".
NATO будзе падтрымліваць украінцаў так доўга, як гэта неабходна, заявіў Енс Столтэнберг. Ён пажадаў Украіне "сілы і поспеху". Генсек NATO падкрэсліў, што Узброеныя сілы Украіны і ўвесь ўкраінскі народ дэманструюць неверагодныя мужнасць і рашучасць, абараняючы сваю краіну. І гэтым прыкладам натхняецца ўвесь свет.
On #Ukraine’s independence day I pay tribute to the brave Ukrainian women & men fighting for their freedom & their country. #NATO has supported Ukraine since its independence & you can continue to count on NATO for as long as it takes. Ukraine will prevail! pic.twitter.com/IYLN5sNH8m
— Jens Stoltenberg (@jensstoltenberg) August 24, 2022
