Гендырэктар IT-кампаніі пайшоў у адстаўку пасля відэа з канцэрта Coldplay

Амерыканская тэхналагічная кампанія Astronomer аб'явіла аб адстаўцы іх генеральнага дырэктара Эндзі Байрана. 16 ліпеня ён трапіў на відэа падчас канцэрта гурта Coldplay у Бостане. Яго засяклі ў абдымках з кіраўніцай аддзела кадраў Крысцін Кэбат. 

У заяве кампанія Astronomer напісала, што "адданая каштоўнасцям і культуры, якімі кіруецца з моманту свайго заснавання".

"Ад нашых лідэраў чакаюць адпаведнасці высокім стандартам паводзінў і адказнасці, але ў апошні час гэтыя стандарты не выконваліся", — напісалі Astronomer у Х.

Таксама кампанія паведаміла, што Рада дырэктараў раней ініцыяваў афіцыйнае расследаванне "гэтай справы".