Дзяржстандарт забараніў прадаваць у Беларусі чырвона-белы джэмпер Adidas

У Беларусі здымаюць з продажу вопратку знакамітага брэнда Adidas. Пад забарону трапіў чырвоны джэмпер з белымі надпісамі.

Спецыялісты Дзяржстандарту, як паведамляецца, прынялі такое рашэнне пасля праверкі некалькіх крамаў. Яны вырашылі, што прадукцыя не адпавядае рэгламентам, якія прыняты ў Мытным саюзе.

У прыватнасці, у гэтага джэмпера, заяўляюць эксперты, недастатковая "паветрапранікальнасць". Пры норме не менш 100 дм³/(м²с) гэты паказчык у джэмпера Adidas склаў 62 дм³/(м²с). Прадпісанне ад правяральнікаў было вынесена 6 жніўня, а ўжо з 14 жніўня прадавец абавязаны прыбраць з продажу гэтую вопратку.