ЗША накрыў адзін з мацнейшых штормаў за апошнія 100 гадоў

У гэтыя выхадныя Злучаныя Штаты накрыў адзін з самых моцных за апошняе стагоддзе зімовых штормаў "Папараць". Ён выклікаў маштабныя адключэнні электрычнасці і транспартны калапс, паведамляе NBC News.

Па паведамленнях СМІ, шторм суправаджаецца моцнымі снегападамі, маразамі і мокрым снегам. Тэмпература паветра з улікам ветру апускаецца да мінус 20–30°C.

Сняжная бура ахапіла больш за 40 амерыканскіх штатаў. Як мінімум у 21 з іх было абвешчана надзвычайнае становішча. Найбольш пацярпелі жыхары Місісіпі, Луізіяны і Тэхаса. Паводле інфармацыі СМІ, без святла засталіся больш за 200 тыс. дамоў.

Рух па асноўных магістралях ускладнены, улады настойліва рэкамендавалі мільёнам людзей устрымацца ад паездак з-за небяспечных умоў на дарогах. Як паведамляе NBC News, адменена больш за 10 тыс. авіярэйсаў.

Па прагнозах Нацыянальнай метэаралагічнай службы, на наступным тыдні ўмовы надвор’я крыху палепшацца, але моцныя снегапады і маразы яшчэ могуць захоўвацца.