Дзяніс Дудзінскі выдаў дэбютны раман
Дзяніс Дудзінскі
Дэбютны раман Дзяніса Дудзінскага "ПАТИБУЛУМ. Дзесяць дзён аднаго горада" выйшаў у беларускім незалежным выдавецтве "Янушкевіч". Па словах аўтара, гэта тэкст "пра чалавека і беспакаранасць".
"Што адбудзецца з горадам, калі яго жыхарам даць права выбіраць паміж смерцю і ганьбай? Колькі дзён трэба, каб мірныя гараджане ператварыліся ў натоўп лінчавальнікаў, а добрапрыстойны чалавек — у ката? Аўтар даследуе, як хутка бурацца маральныя асновы, калі страх, прага помсты і магчымасць беспакаранасці бяруць верх над сумленнем", — гаворыцца ў анатацыі рамана.
Дзяніс Дудзінскі — музыкант, акцёр, шоўмэн і журналіст. У Беларусі ён вёў ранішнюю праграму на Беларускім дзяржаўным тэлеканале, конкурсы "Еўрабачанне" і "Славянскі базар". У 2020 годзе ён сышоў з Белтэлерадыёкампаніі, а пасля пачатку вайны ва Украіне зняў шэраг рэпартажаў для тэлеканала "Белсат".
