Для незвычайных цукерак у Беларусі пабудавалі новую фабрыку

Кандытарскую фабрыку для вытворчасці ласункаў з сухога малака адкрылі ў Віцебскай вобласці. Там будуць вырабляць прэсаваныя цукеркі на аснове сухога малака і малочныя снекі-пасцілкі, піша часопіс "Эканоміка Беларусі".

Калі фабрыка запрацуе на поўную магутнасць, яна зможа выпускаць 360 тон цукерак і кандытарскіх вырабаў у год. У асноўным гэта тыя самыя пастілкі (252 тоны), яшчэ 10 тон цукерак на палачцы і больш за 90 тон іншых відаў цукерак.

Паспрабаваць галоўны хіт новай фабрыкі можна ўжо цяпер, пакуль што іх вырабляюць на бабруйскай "Камунарцы".

"Гэтыя цукеркі мы ўжо прадаём у нашых фірменных крамах і ў бліжэйшы час пачнём пастаўляць у камбінаты школьнага харчавання", — кажа Сяргей Анюхоўскі, гендырэктар "Камунаркі".

У крамах некаторыя віды малочных цукерак з 2023 года прадаюцца пад назвай "Дзіцячыя гісторыі".

Дарэчы, іншая беларуская кандытарская фабрыка "Чырвоны Мазыранін" адкрыла лінію па вытворчасці ірысак з сямю смакамі, а яшчэ казінакаў.