У Беларусі забаранілі прадаваць бульбу дыяметрам менш за 45 мм
Ураджай бульбы ў Беларусі / pixabay.com
У Беларусі забаранілі прадаваць бульбу дыяметрам менш за 45 мм — яе будуць адпраўляць на перапрацоўку.
Калі раней мінімальны дапушчальны дыяметр клубняў складаў 35 мм, то пасля ўнясення паправак у дзейны ГОСТ на свежую бульбу, ён павялічыўся да 45 мм. Навіна тычыцца ўсіх гандлёвых аб’ектаў — ад супермаркетаў да рынкаў.
Як растлумачылі ў МАРГ, мэта змяненняў — абарона правоў спажыўцоў і павышэнне якасці прадукцыі. Маленькія клубні часта маюць нізкую таварную вартасць — яны хутчэй псуюцца, горш захоўваюцца і змяшчаюць больш адходаў пры ачыстцы.
