Дажджы спыняцца на пачатку наступнага тыдня

Пра гэта паведамляюць "Мінск-Навіны" са спасылкай на галоўнага сіноптыка Белгідраметэацэнтра Людмілу Парашчук.

Пад уплывам атмасфернага фронта зранку ў суботу пройдуць дажджы пры тэмпературы паветра +6…+8°С. Заўтра ўдзень +10…+12°С, бліжэй да вечара магчымы кароткачасовы дождж.

У нядзелю вельмі актыўны атмасферны фронт прынясе ападкі з паўднёвага захаду Еўропы. Часамі будзе ісці моцны дождж. На працягу сутак чакаецца 8…10 градусаў вышэй за 0.

У панядзелак надвор'е пачне паляпшацца. Уначы 3…5 градусаў цяпла і кароткачасовы дождж, днём +5…+7°С і без істотных ападкаў. У аўторак, сераду і чацвер Міншчына трапіць пад антыцыклон, ападкаў не прагназуецца. Уначы 0…+2°С, днём +4…+6 градусаў.

Фота — minsknews.by