“Дастаткова саступак”. Старшыня Еўракамісіі наведала мяжу з Беларуссю
На мяжы / wikipedia.org
31 жніўня старшыня Еўрапейскай камісіі Урсула фон дэр Ляен разам з прэм’ер-міністрам Польшчы Дональдам Тускам прыехалі ў Крынкі — на польска-беларускай мяжы. Пасля перамоваў яны зрабілі сумесную заяву.
“Мы знаходзімся тут, каля барʼера, які абараняе Польшчу і Еўропу ад гібрыднай вайны, абвешчанай Беларуссю і Расіяй, ад нелегальнай міграцыі. Гэта не міграцыя; гэта групы людзей, арганізаваныя Лукашэнкам і Пуціным і іх службамі, задача якіх — фізічна атакаваць польскія і еўрапейскія межы”, — падкрэслілі фон дэр Ляен і Туск.
Прэм’ер міністр Польшчы распавёў, што тэмай перамоваў на мяжы быў “Усходні шчыт”, які прызначаны для абароны Еўропы ад магчымай агрэсіі з боку Расіі.
“Дастаткова саступак, мы павінны быць жорсткімі і добра падрыхтаванымі да гэтага”, — падкрэсьліў ён.
