Пад польска-беларускай мяжой знайшлі тунэль на некалькі дзясяткаў метраў
Тунэль з Беларусі, выкрыты польскімі памежнікамі / x.com/Straz_Graniczna
Падземны тунэль, які цягнуўся на некалькі дзясяткаў метраў, выявілі на мяжы Беларусі і Польшчы.
Як паведамляе прэс-служба польскіх памежнікаў, вышыня падземнага ходу складала 1,5 метра. Уваход размяшчаўся на беларускім баку мяжы прыкладна за 50 метраў ад памежнага бар'ера. Выхад з тунэлю быў прыкладна за 10 метраў ад бар'ера на польскім баку.
Таксама памежнікі адзначылі, што за 11 снежня было зафіксавана больш за 180 спробаў нелегальнага пераходу мяжы з боку Беларусі. Гэта надзвычай вялікая колькасць для апошніх дзён, бо пасля адкрыцця Польшчай памежных пераходаў рэгістраваліся адзінкавыя спробы парушэння мяжы.
Тунэль з Беларусі, выкрыты польскімі памежнікамі / x.com/Straz_Graniczna
Тунэль з Беларусі, выкрыты польскімі памежнікамі / x.com/Straz_Graniczna
