Беларуска стала ахвярай міграцыйнай палітыкі Трампа
Вераніка Казлоўская да і падчас зняволення ў міграцыйным лагеры / Калаж Еўрарадыё
Беларуска стала ахвярай міграцыйнай палітыкі Дональда Трампа. Выкладчыца Вераніка К. ужо 2,5 месяцы знаходзіцца ў цэнтры ўтрымання мігрантаў у штаце Нью-Мексіка.
Знаёмыя жанчыны кажуць, што яе справа фактычна не рухаецца. На волі ў Веранікі застаўся муж Роланд і сын, які толькі-толькі нарадзіўся.
Вераніка К. прыехала ў ЗША з Беларусі і легальна жыве там з 2017 года, маючы статус прытулку ў чаканні. Яна скончыла каледж у Нью-Ёрку і працавала настаўніцай. У яе ёсць дзейныя дакументы: дазвол на працу і пасведчанне асобы.
Але 18 траўня яе затрымалі агенты ICE — міграцыйнай паліцыі ЗША. Спачатку Вераніку ўтрымлівалі ў іміграцыйным цэнтры ў Флорыдзе. 26 траўня яе перавялі ў лагер для мігрантаў у Нью-Мексіка, дзе яна застаецца і дагэтуль.
"У гэтым цэнтры ўтрымліваюцца дзясяткі людзей, — расказвае муж беларускі. — Шмат хто з іх такі ж, як Вераніка, — не парушыў ніякіх законаў. Некаторых затрымалі пасля сумоўя аб атрыманні прытулку, некаторых пасля шлюбнага інтэрв'ю, некаторых адразу пасля з'яўлення ў судзе.
Людзі ў шоку. Яны жылі сумленна і выконвалі правілы. Але сёння гэтага недастаткова".
Сям’я Веранікі просіць пра дапамогу. Даведацца пра дэталі справы і заданаціць можна тут.
