Беларусь купляе палову ўсяго экспарту расійскай свініны
Мяса, ілюстрацыйнае фота / прэс-служба КДК
Пастаўкі свініны з Расіі ў Беларусь ад пачатку года павялічыліся на 44,6%. Па выніках дзевяці месяцаў яны склалі 94,3 тысячы тон.
Паводле звестак Рассельгаснагляду, гэты аб'ём складае амаль палову ад усяго расійскага экспарту свініны сёлета, заўважыла выданне "Беларусы і рынак".
Таксама шмат свініны ў Расіі купляе Кітай. Сёлета расійскі экспарт у гэтую краіну вырас у два разы і па выніках дзевяці месяцаў склаў 55,6 тысячы тон. Такім чынам, Кітай заняў другое месца сярод імпарцёраў расійскай свініны.
У лік іншых буйных пакупнікоў уваходзяць В'етнам (44,1 тыс. тон), а таксама Казахстан, Арменія і Грузія.
