Андрусь Горват напісаў кнігу пра Нараўлянскі палац
Вокладка кнігі "Дом" / фота са старонкі Горвата ў Фэйсбуку
Андрусь Горват напісаў новую кнігу. Яна называецца "ДОМ" і прысвечаная Нараўлянскаму палацу, аднаўленню якога пісьменнік прысвяціў шмат сілаў і часу:
"Гэта кніга пра нараўлянскі палац — стары дом на беразе Прыпяці, напоўнены любоўю, фартэпіяннай музыкай і сямейнымі сакрэтамі. Гэта літаратурнае даследаванне, у якім біяграфія палаца пераплятаецца з маёй асабістай гісторыяй. Таксама гэта аповед пра людзей, якія называлі палац сваім домам, і пра эпохі, што праносіліся за яго вокнамі".
Нараўлянскі палац Горватаў пісьменнік разам з аднадумцамі пачаў аднаўляць яшчэ некалькі гадоў таму. Пасля 2020 года Горват з палітычных прычынаў быў вымушаны пакінуць Беларусь, аднак працы па аднаўленні палаца ў Нароўлі працягваюцца дагэтуль.
Пачытаць урыўкі з кнігі і набыць яе можна на сайце dadomu.com.
