Амерыканскі рэжысёр Дэвід Лінч не дажыў 4 дні да 79-годдзя

Памёр амерыканскі рэжысёр і сцэнарыст Дэвід Лінч. Ён не дажыў 4 дні да 79-годдзя.

"З глыбокім шкадаваннем мы, яго сям'я, паведамляем пра смерць чалавека і мастака Дэвіда Лінча. Мы просім паважаць наша права на адзіноту ў гэты час. У свеце ўтварылася велізарная чорная дзірка, калі ён сышоў. Але, як ён сам казаў, глядзі на пончык, а не на дзірку", — напісала ў Facebook яго сям'я.

Летась рэжысёр распавядаў, што ў яго дыягнаставалі эмфізэму лёгкіх, пасля чаго ён перастаў выходзіць з дому.

Як піша variety.com, Лінч "радыкалізаваў амерыканскі кінематограф сваім змрочным, сюррэалістычным мастацкім бачаннем у такіх фільмах, як "Сіні аксаміт" і "Малхоланд Драйв", а таксама ў тэлесерыяле "Твін Пікс". Ён атрымаў шматлікія прэміі, а сярод іх у 2019-м "Оскар" за выдатныя заслугі ў кінематографе.