Аматарскі футбол з Расіі ў Мінску пабіў рэкорд наведвальнасці Вышэйшай лігі
На Нацыянальным стадыёне сабралася больш за 22 тысячы гледачоў / Скриншот видео
20 верасня ў Мінску на Нацыянальным стадыёне, пабудаваным кітайцамі, на матч каманд медыя-лігі Расіі прыйшло больш за 22 000 гледачоў. Гэта больш людзей, чым на самы папулярны матч у гісторыі чэмпіянату Беларусі ў Вышэйшай лізе, паведамляе "Трыбуна".
Сустрэча паміж медыякамандамі 2Drots і Lit Energy сабрала дзве траціны новага стадыёна.
За ўсю гісторыю чэмпіянату Беларусі рэкорд быў усталяваны ў 1995 годзе, калі ў Мазыры на матч з мінскім "Дынама" сабраліся 19 500 чалавек.
Улетку гэтага года рэкорд сезона быў усталяваны ў Брэсце, калі на гульню супраць "Славіі" прыйшло 10 тысяч гледачоў.
Нагадаем, што ў 2023 годзе на "Барысаў-арэне" адбыўся матч паміж медыя-камандай з Расіі "Амкал" і "Сахалінец", які сабраў 11 782 гледача. Стадыён умяшчае 13 126 гледачоў.
