Аляксей Протас абнавіў беларускі рэкорд у НХЛ
Яшчэ адно дасягненне Аляксея Протаса / x.com/Capitals
Аляксей Протас абнавіў беларускі рэкорд у НХЛ. Ён перасягнуў дасягненне Ягора Шаранговіча па колькасці бамбардзірскіх балаў за адзін рэгулярны чэмпіянат.
У чарговым матчы першынства "Вашынгтон" абыграў "Дэтройт" — 4:1. Протас аддаў дзве выніковыя перадачы (на 49-й і 55-й хвілінах). У выніку ён набраў 61 (29+32) бамбардзірскі бал. У Шаранговіча ў сезоне 2023/2024 было 59 (31+28) балаў.
Аляксею Протасу 24 гады. Ён выступае за "Вашынгтон" з 2021 года.
