Мінскія дынамаўцы разграмілі ЦСКА ў пятым матчы серыі плэй-оф

Хакеісты мінскага "Дынама" 3 красавіка ў серыі плэй-оф Кубка Гагарына здабылі трэцюю перамогу над ЦСКА.

Гульня скончылася з лікам 7:0 на карысць "зуброў". Шайбы ў вароты "армейцаў" аформілі: Ягор Борыкаў (двойчы), Сэм Энас, Роберт Хэмілтан, Раман Гарбуноў (двойчы), Андрэй Стась.

Серыя плэй-оф працягнецца да чатырох перамог. Цяпер беларуская каманда вядзе з лікам 3-2 і знаходзіцца ў адным кроку ад выхаду ў чвэрцьфінал турніру.

Наступны паядынак адбудзецца ў Маскве 5 красавіка. Калі дынамаўцы ў ім не выйграюць, серыя вернецца ў Мінск 7 красавіка.