Беларускі хакеіст Андрэй Лашко падпісаў кантракт навічка з "Сіэтлам"
Андрэй Лашко / x.com/SeattleKraken
Беларускі хакеіст Андрэй Лашко падпісаў трохгадовы кантракт навічка з "Сіэтлам". Ураджэнцу Жлобіна 20 гадоў. У 2023-м ён быў выбраны ў чацвёртым раўндзе пад агульным 116-м нумарам на драфце НХЛ.
Кантракт уступіць у сілу з сезона 2025/2026 гадоў. Сярэднегадавы заробак форварда ў НХЛ складзе 870 тысяч долараў.
У гэтым сезоне Лашко выступаў за "Ніягару" ў OHL, у 67 матчах рэгулярнага першынства набраў 70 (34+36) ачкоў, а ў пяці гульнях плэй-оф — 6 (2+4) балаў.
x.com/SeattleKraken
