Адвакатку палітвязня Мікалая Дзядка пазбавілі ліцэнзіі
Святлана Гарбаток / advokat.by
Адвакатку Святлану Гарбаток пазбавілі ліцэнзіі. Такое рашэнне прыняло Міністэрства юстыцыі, заўважыла "Медыязона".
Фармальнай прычынай пазбаўлення ліцэнзіі ў Мінюсце назвалі "недастатковую кваліфікацыю" адвакаткі.
Святлана Гарбаток абараняла інтарэсы двух палітвязняў — анархіста Мікалая Дзядка і Уладзіміра Кнігі, якога судзілі па "справе Ціханоўскага".
У Беларусі палітычны пераслед адвакатаў набыў сістэмны характар з 2020 года. За гэтыя гады быў пазбаўлены ліцэнзіі як мінімум 141 адвакат. Адзінаццаць адвакатаў трапілі пад крымінальны пераслед, прычым некаторыя дагэтуль застаюцца ў зняволенні.
