Аднаго з пацярпелых работнікаў "Беларуськалія" перавялі з рэанімацыі
Клініка, ілюстрацыйнае фота / pexels.com
Аднаго з пацярпелых ад выбуху работнікаў "Беларуськалія" перавялі ў клініцы з рэанімацыйнага аддзялення ў апёкавае. Стан астатніх трох пацыентаў дактары Бальніцы хуткай меддапамогі ацэньваюць па-ранейшаму як стабільна цяжкі, паведамляе прэс-служба Мінздароўя.
Двое пацярпелых усё яшчэ падлучаныя да апаратаў ШВЛ — у іх цяжкая інгаляцыйная траўма. Двух пацыентаў рыхтуюць да заўтрашняй аперацыі: ім зробяць хірургічную апрацоўку ран і этапнае выдаленне пашкоджаных тканак.
Выбух на "Беларуськаліі" адбыўся 31 кастрычніка: на прадпрыемстве разарвала пустую ёмістасць з-пад салянай кіслаты. Пры гэтым была пашкоджанай ёмістасць з салянай кіслатой, якая знаходзілася па суседстве. Пры выбуху пацярпелі чатыры чалавекі: яны атрымалі траўмы і хімічныя апёкі.
