60 шматкватэрных дамоў, школа і садкі засталіся без цяпла ў Крычаве
Аварыя ў Крычаве / МНС
Без ацяплення і гарачай вады ў Крычаве засталіся 62 шматкватэрныя дамы, адна школа і тры дзіцячыя сады, якія знаходзяцца на вуліцах Кастрычніцкай, Паркавай і ў мікрараёне Сож.
Прычынай стала аварыя на гарадской кацельні "Сож".
Прычым сама кацельня спыніла працу ў сераду, 10 снежня, каля 16:30. А паведамленне пра збой паступіла праз суткі — 11 снежня ў 18:20.
У ноч на 12 снежня спецыялісты падключылі адну павышальную помпу — гэта дазволіла аднавіць падачу цяпла ў 14 дамоў і два дзіцячыя садкі.
Работы па аднаўленні працы кацельні працягваюцца, прычыны аварыі высвятляюцца.
