2 красавіка ў Мінску і Брэсце будуць страляць з гарматаў
Стэла "Мінск — горад-герой" / Вікіпедыя
У Мінску і Брэсце 2 красавіка ў рамках прапагандысцкай акцыі будуць страляць з гармат. Пра гэта ў сваім тг-канале паведамляе Міністэрства абароны.
Праект называецца "Стрэл памяці". Па адным халастым стрэле з артылерыйскіх гранат прагучыць каля стэлы "Мінск — горад-герой" і ў мемарыяльным комплексе "Брэсцкая крэпасць-герой". У Мінабароны кажуць, што гэтая акцыя прысвечаная "подзвігу савецкага народа ў гады Вялікай Айчыннай вайны і загінулых абаронцаў Айчыны".
Жыхароў просяць не хвалявацца пры гуку стрэлаў. "Звяртаем увагу жыхароў Мінска і Брэста, што ў дзень правядзення акцыі ў 12 гадзін дня будзе чутны гучны стрэл. Просім захоўваць спакой. Мерапрыемства праводзіцца пад кантролем і кіраўніцтвам вайскоўцаў Узброеных Сіл", — заяўляюць у Мінабароны.
