ЗША ўпершыню не стануць суаўтарамі рэзалюцыі ААН у падтрымку Украіны — Reuters
Дональд Трам і Уладзімір Пуцін / AP
ЗША ўпершыню ад пачатку вайны не стануць суаўтарамі рэзалюцыі ААН у падтрымку Украіны. Пра гэта са спасылкай на ўласныя крыніцы піша інфармагенцтва Reuters.
Праект рэзалюцыі Генасамблеі ААН асуджае расійскую агрэсію і пацвярджае прыхільнасць да "суверэнітэту, незалежнасці, адзінства і тэрытарыяльнай цэласнасці Украіны ў яе міжнародна прызнаных межах”. Дакумент ужо падтрымалі больш за 50 краін.
ЗША былі суаўтарамі амаль усіх ранейшых рэзалюцый ААН у падтрымку Украіны супраць Расіі, але не цяперашняй. Крыніцы Reuters мяркуюць, што Штаты яе не падпішуць.
Акрамя таго, ЗША патрабавалі, каб у сумеснай заяве краін "вялікай сямёркі" Расію не называлі "агрэсарам".
Напярэдадні прэзідэнт ЗША Дональд Трамп заявіў, што вайну пачала Украіна, назваў Уладзіміра Зяленскага "дыктатарам без выбараў" і зрабіў шэраг іншых заяваў у духу расійскай прапаганды.
