Ценявы флот Расіі: ці здольныя яго патапіць дроны УСУ і санкцыі ЕС — эфір

Украінскія вайскоўцы сур’ёзна ўзяліся за расійскі “ценявы флот”. Паводле інфармацыі, за апошнія два тыдні ужо чатыры судны трапілі пад удары марскіх дронаў. Не спыняюцца ўдары і па расійскіх НПЗ, трапляе пад удары беспілотнікаў і нафтаправод “Дружба”. Што праўда, энергетычныя аб’екты Украіны таксама практычна штодня знаходзяцца пад ударам і моцна пацярпелі ад расійскіх ракет і дронаў. Але вайна  справа дарагая. А калі да ваенных выдаткаў яшчэ і санкцыі дадаюцца, то эканоміка можа і не справіцца. 

Ці існуе ён — “ценявы флот Расіі” і ці здольныя яго патапіць украінскія марскія дроны і еўрапейскія санкцыі? Наколькі балючыя ўдары УСУ па расійскіх НПЗ і што адбываецца ў нафтагазавым сектары Расіі? Ці ўплываюць на эканоміку Расіі заходнія санкцыі і ці праўда, што расійскія заказчыкі не здольныя аплаціць замовы, зробленыя ў Беларусі? На гэтыя ды іншыя пытанні ў эфіры Еўрарадыё адказвае эксперт нафтагазавага рынку Міхаіл Круціхін у 13:00.