Лукашэнка праводзіць перамовы са спецпасланнікам прэзідэнта ЗША
Сустрэча Лукашэнкі і Коўла / прэс-служба Лукашэнкі
Аляксандр Лукашэнка сустрэўся з Джонам Коўлам, спецпасланнікам прэзідэнта ЗША па Беларусі. Гэтую сустрэчу пацвердзіла прэс-служба Лукашэнкі.
Лукашэнка павіншаваў Коўла з прызначэннем спецпасланнікам ЗША па Беларусі. "Ты цяпер галоўны па Беларусі ў нас. Перадайце Трампу, што мы нешта павінны зрабіць у сувязі з гэтым. І мы зробім", — паабяцаў ён.
Паведамляецца, што сёння прайшоў першы дзень перамоваў, яны яшчэ працягнуцца заўтра.
Пытанні, якія абмяркоўваліся на перамовах, не агалошваюцца. Аднак раней з'яўляліся звесткі, што ЗША дамаўляюцца з рэжымам Лукашэнкі пра вызваленне не менш як 100 палітвязняў.
