Зранку 21 снежня ў працы мінскага метро адбыўся збой
Збой у працы другой лініі мінскага метрапалітэна адбыўся зранку 21 снежня ў гадзіну пік, паведамляе tut.by.
У адным з цягнікоў на станцыі "Пушкінскай" выявілася няспраўнасць, і машыніст быў вымушаны адагнаць яго ў тунэль. Графік руху цягнікоў быў парушаны на некалькі хвілінаў, у выніку на платформах сабралася вялікая колькасць людзей.
Відавочца здарэння Ксенія паведаміла журналістам: "На станцыі метро "Пушкінская" нейкія праблемы. Цягнікі ў бок горада не ідуць ужо хвілін 10. Адзін састаў прыехаў, але машыніст з ключом праз салон пабег у хвост цягніка, і цягнік паехаў назад у тунэль".
На працягу некалькіх хвілін рух па Аўтазаводскай лініі метро быў адноўлены.
в 8.26 на ст. "Спортивная" из-за технической неисправности состава проведена высадка пассажиров, неисправный состав отправлен в тупик ст. "Пушкинская". Задержка в движении поездов по 2-линии составила 3 минуты
— Minskmetro (@minmetro) December 21, 2017
